Malinampuson nga gindumara an ikaduha nga adlaw han SeRVisyo Caravan han naglabay nga Hulyo 8, 2026 ha mga tay-aw nga komunidad han Jipapad.
An Brgy. San Roque in naaabot pinaagi hin pagsakay hin bote hin sobra usa ka oras, tikang ha pantalan ha bungto han Jipapad.
Durante han aktibidad, inabot hin 904 nga mga residente ha Brgy. San Roque an nakapahimulos han iba-iba nga libre nga programa ngan bulig nga dara han gobyerno probinsyal ha pangunguna ni Gov. RV Evardone.
240 liwat nga mga pamilya in nakakarawat hin hygiene kits ngan medical kits tikang ha gobyerno probinsyal han Sinirangan Samar.
Pinaagi han pagkaurusa han gobyerno probinsyal ngan han mga kabulig nga ahensya, gindara han gobyerno an mga serbisyo ha mga taga-San Roque.
Ini in ha hingyap nga mabuligan makatalwas han kakurian ha pagbiyahe tipakadto ha bungto an mga taga San Roque para makakuha hin mga essential services sugad han medical consultations.
Han iya mensahe, nagpaabot hin pasasalamat hi Kagawad Margie Maiso kan Gov. Evardone para han inisyatibo nga mapahirani an mga programa han gobyerno ngadto han mga harayo ngan makuri kadtuon nga mga komunidad han probinsya. (SEJ-JDM-ARV)
