May-ada 390 nga residente han Brgy. Magsaysay, usa nga geographically isolated and disadvantaged area ha bungto han Jipapad, an nakakarawat hin magkalain-lain nga serbisyo han gobyerno ha siyahan nga adlaw han SeRVisyo Caravan nga ginpangunahan ni Gov. RV Evardone han Hulyo 7, 2026.
Pinaagi han programa, natagan an mga residente han Brgy. Magsaysay hin libre nga medical consultation, dental services, veterinary services, PhilHealth YAKAP registration, mga programa han TESDA, serbisyo ha agrikultura pinaagi han Office of the Provincial Agricultural Services, serbisyo han DICT, ngan iba pa nga mga programa tikang ha magka-iba-iba nga ahensya han gobyerno agud mapahirani ha ira an mga serbisyo.
Iginpatapod liwat ni Gov. Evardone an pag-abre han dalan tikang ha Brgy. Mabuhay ngadto ha Brgy. Magsaysay, pati na an pagtukod hin covered court ha ira mismo barangay.
“Karuyag namon mapaharani an gobyerno ha iyo.Aanhi kami dire la pagserbisyo kundi paghatag daman hin mga proyekto,” siring ni Gov. Evardone.
Kaupod ni Gov. Evardone hira Provincial Administrator Nelson Cortez, Board Member Atty. PJ Evardone, PCL President ngan Board Member Irvin Pormida, mga department heads han gobyerno probinsyal, mga representante han mga nasyonal nga ahensya han gobyerno, ngan iba pa nga stakeholders nga nag-abot para maghatag han ira serbisyo. (SEJ-JDM-GBP-AKV)
