Personal nga dinayo han gobyerno probinsyal han Sinirangan Samar ha pangunguna ni Gov. RV Evardone an tay-aw nga komunidad han Brgy. Agsaman, bungto han Jipapad.
Apisar han kahirayo ngan kakuri han dalan, gindara han gobyerno probinsyal kabakyang an magdurudilain nga partner agencies an mga libre nga serbisyo publiko.
Ini in sugad han libre medikal nga konsultasyon, medisina ngan bitamina, ngiho, turi, birth certificate registration pinaagi han Philippine Statistics Authority, mga bulig ha mga parag-uma sugad han libre nga seeds, ngan hygiene kit nga may upod nga medical kit para han ngatanan nga household han barangay Agsaman.
Ha pinaka-una nga beses nga pagbisita hin usa nga gobernador ha ira komunidad, iginpaabot han mga residente an ira pasasalamat han higayon ngan han ira hingyap nga makalsadahan na hera. (SEJ-GBP-JDM-ARV)
