Gin-iristoryahan an preparasyon para han namimintana nga 2026 Eastern Visayas rice derby season 5, kun diin syahan ini nga pananagbalayan han probinsya han Sinirangan Samar nga pagdudumaraon ha Dolores.
Gindumara an iristorya ha Jicontol Irrigator Services Association Center ha Brgy. Gap-ang, Dolores, Myerkules, Abril 15, 2026.
Panuyo hini nga mapa-uswag pa an produksyon hin humay dire la ha Dolores, kundi ha bug-os nga probinsya.
Igpapakita ngan igde-demo gihapon ha mga parag-uma an mga makabag-o nga pamaagi, gamit an makinarya.
Naging sentro han iristorya an pag-identify han mga farmer beneficiaries, kahaluag han area, time frame han rice derby, pagpundo ha pagbinuligay han Department of Agriculture-Regional Field Office 8 (DA-RFO 8, gobyerno probinsyal, municipal LGU han Dolores, ngan private partner companies.
Kaupod hini nga ginhisgutan an mga makinarya nga mga kikinahanglanon sugad han traktora, mechanical transplanter, drone gamit ha pag-spray han pestesidyo, ngan rice harvester.
Kasumpay hini an mga private partner companies nga mag prepresentar hin klase hin humay o variety nga gagamiton han mga farmer beneficiaries kaupod na an abono, kun diin aada na ha mga parag-uma an pag-ataman tikang ha pagtanum ngada han pag-harvest.
Ini in ginpartisiparan tikang ha buhatan han DA-RFO 8, Office of the Provincial Agricultural Services team members, Technical Working Group, ngan mga farmer beneficiaries. (JDM)
