Naging mabinungahon an courtesy visit kan Gov. RV Evardone han buhatan han Office of Civil Defense (OCD) ha pangunguna ni Acting Regional Director Erwin Rommel Lamzon, kaupod hi Karina Campo, executive assistant han Acting Regional Director ngan hi Provincial Disaster Risk Reduction and Management Officer Engr. Tomas Campomanes, nga gindumara ha Provincial Governor’s Office dida han Agusto 4, 2026.
An nasabi nga pagbisita nagtuyo hin pagpakusog han koordinasyon han OCD ngan han gobyerno probinsyal han Sinirangan Samar para han padayon nga pagpauswag han disaster preparedness ngan resilience han komunidad.
Durante han pagbisita, ginhisgutan liwat an kaandaman para han Gawad Kalasag, nga diri la nasentro ha pagkompleto han mga dokumento ngan requirements para ha awards, kundi labi na ha aktuwal nga kahimtang han kaandam han komunidad ngan epektibo nga pagdumara han kalamidad.
Samtang, gintagusya ni acting director an partisipasyon han PDRRMO ngan mga DRRM han kada bungto han probinsya ha partisipasyon ha pinakaurhi nga gindumara nga 2026 Eastern Visayas Regional Rescue Jamboree.
An Sinirangan Samar in padayon nga nagpapakusog han mga programa ngan inisyatibo ha disaster preparedness pinaagi han kolaborasyon han iba-iba nga ahensya ngan mga responders, ha katuyuan nga masiguro an talwas ngan kaandaman han Estehanon kontra kalamidad. (JDM-GBP)
