Dako an kalipay ni Lolo Wenceslao Libreno, 84 anyos, residente han Brgy. Agsaman, Jipapad, han makakarawat hiya ngan an iya asawa nga hi Celyn, 83 anyos, hin libre nga serbisyo medikal durante han una nga adlaw han SeRVisyo Caravan nga ginpangunahan ni Gov. RV Evardone dida han Hulyo 7, 2026.
Kaupod an iya asawa, nakapagpa-check-up hiya ngan nakakarawat hin libre nga medisina. Natagan liwat hin dewormer ngan bitamina an ira mga ataman nga hayop, samtang padayon hiya nga nag-aataman hin manok ngan nagkikiwa o naghahawan ha uma pinaagi han pagpasuhol ha luyo han iya edad.
“Pagbati ko nga dumoroong (bisita) nganhi hi gobernor, waray masudlan hit ak kalipay, ngan ak salamat.”
Para kan Wenceslao, an pag-abot han mga serbisyo han gobyerno ngadto ha ira komunidad ano man an kaharayo in usa nga dako nga bulig labi na nga personal ini nga ginhatag kaupod hi Gov. Evardone. (JDM)
