Ha luyo han kaharayo han Brgy. San Roque, bungto han Jipapad, dire ini naging rason para dire maabot han SeRVisyo Caravan nga personal nga pinangunahan ni Gov. RV Evardone.
Usa nga nahipa-abot nga bulig an dental services, usa nga butang nga dire prayoridad han mulopyo dara han harayo, kadako han magagastos kun tutuyoon ha mga pribado nga clinic.
Ginpapasalamat nga natagamtaman an libre nga ngiho hi Nanay Bresilda Pajares, 35 anyos. Subay pa ha iya pamakiana ha pribado nga klinika ha Gamay, ginpresyohan hiya hin tag P400 an usa nga ngipon han pag-ngiho.
Kumo parag-uma ngan nangangalayon paglukad an iya asawa nga may tulo nga mga anak, dako na nga pakabulig dara kay ini in libre.
Labot pa hini, libre nga naka pagpacheck-up liwat han iya anak nga may sip-on ngan batok kun diin natagan ini hin kaangayan nga libre nga medisina.
Subay pa kan Nanay Bresilda, ha sobra usa ka oras nga biyahe ha bote namamasahe hiya hin tag P50. Dako na ini nga gastos, salit sugad nala nga pakabulig hini nga libre ngiho nga maiha na niya nga problema an makuri makakaon dara han suol.
“Gidadakoe in nga bulig. Nakaaro ak hin medisina, vitamins han ak mga bata tapos mangingihoan ak. Nagpapasalamat ak kan Governor Evardone han iya SeRVisyo Caravan nga libre,” an mensahe pasasalamat ni Nanay Bresilda. (JDM)
