Ha hingyap mapadali ngan maging mas aksisable an aplikasyon para han tipaarabot nga CSE Career Service Exam Pen and Paper Test yana nga tuig, pinangunahan han Civil Service Commission (CSC) Field Office Eastern Samar, kabulig an gobyerno probinsyal pinaagi han opisina han gobernadorr, an duha ka adlaw nga application caravan.
Ginbuhat an application caravan ha Capitol Gym, Brgy. Alang-alang, Borongan City, tikang han alas-8 hit aga tubtob alas-5 hit kulop han Mayo 26 ngan 27, 2026.
Kinarawat liwat hin walk-in applicants, samtang may mga tinaglawas han gobyerno probinsyal nga naasister ha mga aplikante basi mapadali ngan maging sistematiko an proseso han aplikasyon
An aktibidad in kabahin han padayon nga paningkamot han gobyerno probinsyal ha pagbulig ha mga Estehanon nga karuyag magkamay-ada civil service eligibility, ngan maging mas kwalipikado ha mas maupay nga panarabahuan.(TAC-JDM)
