Nakakarawat hin bulig pinansyal nga nagkakantidad hin ₱25,000 an pamilya ni Maribel B. Romero, residente han Barangay Sta. Cruz, ha Gen. MacArthur, mahuman han nahinabo nga sunog han ira panimalay hadton Pebrero 1, 2026.
Sumala han impormasyon, alas 12:50 han kulop, han masunog an panimalay nira Nanay Maribel ngan hasta yana in dire pa hira maaram han naging kawsa han pagtikang han sunog.
Samtang naglalarab an ira balay, wara ha mismo nga lugar hi Nanay Maribel tungod kay nakadto hiya ha Guiuan nagmamangno han iya patod nga nanganak.
Tungod hini, waray na bisan ano nga personal nga gamit o importante nga dokumento nga nahisalba ha sunog.
Personal nga iginhatag ni Gov. RV Evardone an ₱25,000 nga bulig pinansyal pinaagi hin cheque tikang ha gobyerno probinsyal para ha apektado nga pamilya.
Dako an pagpasalamat han pamilya ni Nanay Maribel tungod kay an nakarawat nga ayuda in makakabulig ha ira para maghinay-hinay panmalit han ira mga panginginahanglan. (TAC)
