Ha hingyap nga makapaghatag hin mga oportunidad ha mga Estehanon, ginbubuhat yana an job fair ha Capitol Gym ha panguna han gobyerno probinsyall ha pakikipagburubligay ha Department of Labor and Employment (DOLE).
Ini nga job fair in padayon nga nakarawat hin mga aplikante yana nga maghapon.
Sumala kan Gov. RV Evardone, ini nga inisyatibo in resulta han padayon nga paningkamot nga mapahaluag an tsansa han panarabahuan han mga Estehanon.
Iya iginlaygay nga an partnership ha DOLE, pinaagi kan Regional Director Atty. Dax Villaruel, in nahimugso dida han first quarter meeting han Regional Development Council hadton Marso 31, 2026.
“…it aton ultimate goal is makabulig kami ha iyo, mga job seekers naton, of course. Sayang naman it iyo skills, sayang it iyo potential para kunta makatrabaho kamo, makabulig kamo hit iyo pamilya o hit iyo mga kalugaringon,” siring han gobernador.
Nagpasalamat liwat hi Gov. Evardone ha mga pribado nga kumpanya nga padayon nga nasuporta ngan nakikigbahin ha sugad nga mga aktibidad, sugad man ha iba nga ahensya han gobyerno nga nagpartisipar ha job fair.
Dugang pa niya, iya ginpasalamatan an Public Employment Service Office (PESO) han probinsya nga amo an nanguna nga ahensya ha pag-organisa ngan pagpatuman hini nga aktibidad.
An job fair ginlalaoman nga magigin tulay para han damu nga Estehanon nga nagbibiling hin trabaho, ngan padayon nga pagduso para ha mas maupay nga ekonomiya ha probinsya han Eastern Samar. (RCS-JDM)
