Natotal hin 173 nga mga estudyante ha kolehiyo in nakakarawat han ira Php 3,000 nga bulig pinansyal pinaagi han Bulig Para Estudyante ng programa han gobyerno probinsyal han gindumara nga payout yana nga Abril 29, 2026 ha Provincial Capitol Gym, syudad han Borongan.
Ini nga mga benepisyaryo in ginkokomponir han Borongan, Sulat, ngan San Julian.
Ini nga bulig in gin-andam basi makabulig ha mga estudyante ha pagdumara han ira mga importante nga galastohan ha pag-iskwela.
Sumala kan Board Member ngan Chairman on Education, Atty. Byron Suyot an nasabi nga student assistance in paghatag han mga estudyante hin higayon ha ira pag-iskwela ngan gin-aghat an mga estudyante nga gamiton an nasabi nga suporta hin tama ngan magpabilin nga dedikado ha ira pag-eskwela.
Iya liwat ginsiguro an padayon nga suporta han probinsya para ha mga estudyante pinaagi han programa.
