Ha padayon nga pagpakusog han pagsuporta ha sektor han edukasyon ha probinsya, 96 nga scholars han Isang Propesyonal, Isang Pamilya Program (IPIPP) an nakakarawat hin allowance para han tulo ka bulan dida han Abril 15 ha ESSU Can-avid ngan Arteche campuses.
Sumala ha datos, 28 han mga benepisyaryo tikang ha ESSU Arteche, samtang 68 naman an tikang ha ESSU Can-avid.
Para han tulo ka bulan–Enero, Pebrero ngan Marso–nakantidad hin sumatotal ₱9,000 an ira nakarawat.
An kada scholar nakakarawat hin ₱3,000 kada bulan nga pondo nga tikang ha donasyon han mga pribado nga indibidwal nga nasuporta ha programa sugad han Waray-Waray Golfers Club.
Ha nasabi nga distribusyon, personal nga nagtambong hi Gov. RV Evardone, nga naghatag hin mensahe ha mga estudyante nga magpadayon ha ira pag-eskwela.
Iya ginpasarig nga magpapadayon an implementasyon han IPIPP basi mas damu pa nga kabataan an makabenepisyo.
Kaupod liwat ha aktibidad hi Board Member Atty. PJ Evardone, nga nagpakita han suporta han lokal nga pamunuan ha mga inisyatiba para ha edukasyon. (TAC-GBP)
