Padayon nga gindudumara han Provincial Veterinary Office (PVO) an libre nga panmisit han mga kaayaman ngan kaudigangan yana nga adlaw, Marso 19.
Hapagkayana, may-ada na 19 nga pet owners nga mayda dara nga 22 nga kahayopan an ginkarawat han PVO, samtang siyam na an napisitan.
Tungod han limitado nga suplay han anesthetic, gin-anunsyo han PVO nga cut-off na an panmisit para yana nga adlaw.
Padayon gihapon an panlista han mga pet owners para han masunod nga schedule ngan tatawagan la hira han PVO kun mayda na bag-o nga stock han anesthetic.
Ginpahinumdoman liwat han PVO an mga pet owners nga kinahanglan magdara hin vaccine card han ira mga alaga, lakip na an anti-rabies ngan deworming record.
Kon waray vaccine card, pwede magpresentar hin certification tikang ha barangay o ha lugar kun diin ginbakunahan an alaga, ngan pumirma hin waiver antes tugutan an pagpisit.
Ini nga libre nga panmisit usa nga programa han gobyerno probinsyal ha ilarom han liderato ni Gov. RV Evardone, kabahin han inisyatibo para makontrol an padayon nga pagdamo han populasyon han mga kahayopan ha probinsya. (TAC-GBP)
