Pinangunahan han Oxfam Pilipinas pinaagi han pakikipagsumpayan han gobyerno probinsyal han Sinirangan Samar an syahan nga Just Energy Transition Multi-sectoral Committee (JET-MSC) convening yana nga adlaw, Marso 18, 2026 ha PGO Old Conference Hall.
Gintirok hini nga aktibidad an an iba-iba nga stakeholders tikang ha sektor han gobyerno, private sectors, civil service organizations ngan komunidad nga nagkokomponir han JET MSC.
An JET MSC in gintigdong subay han Executive Order RVE 2025-12-050 series of 2025 nga gin-amendahan ni Gov. RV Evardone.
Pinaagi han JET MSC, igtataguyod an usa nga patas ngan local-based nga transisyon ngadto hin clean ngan renewable nga enerhiya.
Hira liwat an magdudumara han development ngan implementasyon han mga local energy plans, makikipagsumpayan han mga stakeholders, maghahatag hin teknikal nga ebalwasyon ngan pagberipika han mga energy-related issues, reports, proposals ngan magsisiguro han transparency, accountability, nga partisipasyon han komunidad ha energy planning.
Sakob han nasabi nga katitirok, iginpahibaro han mga bulig nga sektor kun ano an ibig sahibin han just energy transition, ano it mga prinsipyo han JET, ngan ano an responsibilidad han JET MSC para han pagduso han clean energy transition ha probinsya.
Dida han aktibidad, nakigbahin gihapon an mga partisipante hin usa nga workshop mahiunong ha governance and committee rules, an magigin purpose ngan mandato han mga sektor ngan kun hin-o pa nga mga sektor an pwede ibulig han committee, ngan pag-draft han mga rules and procedure nga magigin panurundan han JET MSC.
Presente han aktibidad hira Board Member Atty PJ Evardone, BM Atty. Pearl Evardone, Committee Chair on Energy han Sangguiang Panlalawigan, mga representante han ESSU, ESAMELCO, Agriculture and Fishery Council, Provincial Planning and Development Office, DENR, ngan Provincial Disaster Risk Reduction Management Office. (SEJ)
