Mahinungdanon nga naki-usa an Sinirangan Samar han ika-84 nga pagsalin-urog han “Araw ng Kagitingan” pinaagi hin pagsaludar ha mga nagsakripisyo ngan may pagka-makabayan han mga Pilipino nga bayani nga nanindugan agud makab-ot an kalayaan han Pilipinas.
An komemorasyon in gindumara pinaag hin pasidungog paghatag hin bukad o wreath-laying ha monumento ni Maj. Eugenio S. Daza, Pilipino nga bayani nga Estehanon nga nakibisog para han mga Samarnon.
An pagsalin-urog han probinsya in ginbuhat dida han Abril 9, 2026 ha Brgy. Alang-alang, syudad han Borongan.
Dida han Abril 9, 1942 naging makasaysayan an pag sureder han mga Pilipino ngan mga Amerikano ngada han mga Hapon ha panahon han World War II ha luyo han paniguro ngan kakurian nga nakab-ot, sakit ngan gutom an rason han pag surender han masubra 76,000 nga gintawag nga Fall of Bataan.
Alinsunod hine dida han Abril 9, 1961, ginproklamar an “Bataan Day” ni anay presidente Carlos P. Garcia nga ginpadig-on pinaagi han Republic Act 3022.
Opisyal ine nga gintawag nga “Araw ng Kagitingan” tikang ha tawag nga “Bataan Day” dida han 1987 pinaagi han Executive Order No. 203 pinaagi kan anay presidente Corazon Aquino. Ine in alinsunod dida han Fall Of Bataan dida han 1942
An paghalad hin bukad o wreath-laying in pinangunahan ni PCol. Ernesto R. Macasil, provincial director han Eastern Samar Police Provincial Office (ESPPO), kaupod hi Lt. Col. Rizza Mae A. San Agustin, commanding officer, Philippine Army, agud maki-usa ha paghinumdom han bug-os nga nasud han ika-84 nga “Araw ng Kagitingan” nga sinundan hin volley firing tribute.
Presente gihapon ha nasabi nga aktibidad tikang han ESPPO personnel, kasundaluhan han 502nd Combat Engineering Battalion, 802nd Ready Reserve Infantry Battalion ngan Reserve Officers’ Training Corps.
Ine in pagpapakita hin pagkaurosa ngan paghatag hin dungog hine nga makasaysayan nga selebrasyon.
Ine nga higayon in nagserbi nga paghinumdom han ngatanan nga igpasegi an serbisyo publiko nga maging tangkod ngan may integridad nga pagseserbisyo han katawhan. (JDM)
