Manilampuson nga gindumara an Sixth Provincial Health Board ngan Provincial Nutrition Council Meeting nga ginbuhat dida han Hunyo 29, 2026 ha PGO Mini Conference Room, Borongan City.
Naging sentro han iristorya an pagparig-on han koordinasyon ha panlawas ngada publiko ngan pagpauswag han mga programa nga direkta ha mga komunidad ha bug-os nga probinsya.
Ginhisgutan gihap an may kalabotan ha Philippine Multi-Sector Nutrition Project Expansion/Connect nga nakapokus ha pagpauswag han mga inisyatibo ha nutrisyon ngan pagpapakusog han kolaborasyon han iba-iba nga sektor.
Ginrepaso liwat han mga partisipante an Monitoring and Evaluation of Local Level Plan Implementation agud maparig-on an lokal nga implementasyon ngan masiguro an epektibo nga paghatag han serbisyo ha panlawas ngan nutrisyon ha bug-os nga probinsya.
Kataliwan hini gin-iristoryahan liwat an preparasyon para han Measles Rubella Supplemental Immunization Activity agud maparig-on an paglikay han sakit ngan maprotektaran an mga komunidad.
Nagtapos an iristorya pinaagi hin pagkomitir han mga miyembro para han padayon nga paniguro para ha mas epektibo nga panggobyernohan ngan mas mahimsog ngan marig-on nga probinsya han Sinirangan Samar. (JDM-FCL)
