Na-total hin 477 nga residente han Brgy. Trinidad, isla han Tubabao, Guiuan an nakakarawat hin iba-iba nga mga essential government services han Martes, June 30, 2026.
Ini in kaparte han padayon nga pagkomiter han gobyerno probinsyal ha paghatag hin patas ngan de kalidad nga serbisyo labi na han mga tay-aw nga komunidad, pinaagi han programa nga SeRVisyo Caravan nga pinanguhan ni Gov. RV Evardone.
Kabakyang an bug-os nga supporta han Sangguniang Panlalawigan ha pangunguna ni Vice Gov. Maricar Sison-Goteesan, BM Pol Gonzales, BM Yvette Bandoy-Gaylon, BM Pearl Evardone ngan BM Nesty Cablao.
Nakiduyog ngan nagpakita liwat hin supporta hi Cong. Sheen Gonzales, kon diin iya iginpaabot an mga serbisyo han Congressional district office ngan 4Ps Partylist.
