Mahinungdanon nga gindumara an duha ka adlaw nga orientation ngan workshop para han Magna Carta of Women (MCW) nga pinagunahan han gobyerno probinsyal han Sinirangan Samar pinaagi han Provincial Social Welfare and Development Office (PSWDO) dida han Marso 18–19, 2026 ha Primea Hotel, syudad han Borongan.
An aktibidad nakasentro ha pagripaso agud maging localized an MCW pinaagi han bag-o nga giya nga sakop ha PCW-DILG-DBM-NEDA Joint Memorandum Circular (JMC) 2024-01, nga ginpagawas han naglabay Disyembre 2, 2024.
An nasabi nga circular in nalalatag hin mas sistematiko ngan malinaw nga proseso para ha pag-andam, pagsumite, ngan pagrebyu han GAD Plans and Budgets ngan Accomplishment Reports ha ngatanan nga lokal nga pangobyernohan.
Panuyo han JMC 2024-01 nga mapakusog an implementasyon han GAD pinaagi han paghatag hin klaro nga supervisory roles ha LGUs.
Ini in importante nga higayon para han GAD Planning and Budgeting para han tuig 2027 pinaagi hin konsolidasyon han datos, diin ginpangunahan ni PSWDO Asst. Department Head ngan GAD Focal Person Brenda Aurora Basada, kaupod an buhatan han Department of Interior and Local Government para han pag rebyu ngan pag endorso han paghimo han 2027 GAD Plan and Budget.
An workshop in ginpartisiparan hin mga representante ha magkadurudilain nga opisina han probinsya kun diin naghatag hin importante nga datos ngan inputs para han mga programa probinsyal nga nakatutok ha ngatanan nga sektor.
Pinaagi hini nga inisyatibo, ginpapakusog han gobyerno probinsyal han Sinirangan Samar an Provincial GAD Focal Point System nga nagtutumuyo hin mas mauswag nga pagplano, pag-implementar, ngan pagmonitor han mga programa nga may kalabutan han katungod ngan kauswagan han ngatanan nga sectors ha probinsya nga may kalabutan han Gender and Development. (JDM)
