Kabug-usan nga 888 nga rice farmers ha norte han probinsya an nakakarawat hin tag-₱7,000 nga pinansyal nga bulig tikang ha Rice Competitiveness Enhancement Fund-Rice Farmers Financial Assistance (RCEF-RFFA) ha aktibidad nga ginbuhat han Enero 22 ha Oras Municipal Gym.
An mga benepisyaryo in mga rehistrado nga parag-uma ha Registry System for Basic Sectors in Agriculture. Tikang ha iba-iba nga bungto, 84 nga rice farmers an nagtikang ha Arteche, 83 ha Can-avid, 30, ha Dolores, 57 ha Jipapad, 35 ha Maslog, 164 ha Oras, 26 ha San Julian, 51 ha San Policarpo, 65 ha Sulat, ngan 104 ha Taft.
An aktibidad in pinangunahan han Office of the Provincial Agricultural Services ha pamunuan ni Provincial Agriculturist Virgilio Capon, ha pakikipagsumpayan han Department of Agriculture ngan Agricultural Program Coordinating Office.
Naghatag liwat hin mensahe hi Gov. RV Evardone, nga nagpahayag han iya hul-os nga pagsuporta ha mga parag-uma han probinsya.
Presente liwat han aktibidad hira Cong. Sheen P. Gonzalez, Board Member Irvin Pormeda, ngan mga opisyales han bungto han Oras. (TAC-JDM)
