Ha pangunguna ni Gov. RV Evardone, an gobyerno probinsyal in naghatag hin 108 ka packs hin relief goods ha tagsa-tagsa nga pamilya han Brgy. Hugpa.
Kaupod ni Gov. Evardone hi Board Member Yvette Bandoy-Gaylon, Mayor Christine Cardona han Llorente, ngan mga kasugbong hini nga mga konsehales.
An kada relief goods in may sulod nga unom ka kilo nga bugas, 10 nga delata, ngan 10 ka sachet hin kape o soup mix.
Ginpaabot liwat an pasasalamat kanda Sen. Bam Aquino ngan Sen. Kiko Pangilinan ha pag-alotaga hini nga mga relief goods para ha probinsya pinaagi han Department of Social Welfare and Development Office.
“Nagpapasalamat kami kan governor hini nga pagkuan nganhi hini nga mga relief, gin espesyal pa kita pagkanhi-a. Salamat nga damu hini nga gugma,” siring ni Barangay Kapitan Jayson Abolencia ha pagpapasalamat hini nga panginano han ira barangay. (RCS-JDM)
