Upod han Gobernador hi Borongan City Vice Mayor Emmanuel Tiu Songco, Brgy. Captain Karen Anacta-Afable ngan iba pa nga mga kapitanes, samtang kompleto liwat nga nag-atender an bug-os nga Barangay Council han Sta. Fe para han pormal nga pag-abre han pasilidad.
Mayda yana 182 senior citizens ha Brgy. Sta. Fe, nga nga magpapahimulos han duha-ka-andana nga building nga ginpundohan han Provincial Government of Eastern Samar.
Sumala han treasurer han Senior Citizens’ Council, an center in magigin permanente nga venue para han ira buruhaton ngan mga aktibidades ha sulod han bug-os nga tuig. Dugang pa niya, magigin posible liwat ini nga evacuation center ha mga panahon nga kinahanglanon proteksyon ngan kaupayan han mga senior.
An igbaw o an second floor han pasilidad in gagamiton naman han Sangguniang Kabataan Coucil sumala kan Kapitana Karen Anacta-Afable.
Iginpa-abot naman han batan-on nga gobernador, nga padayon an Gobyerno Probinsyal ha panginano han mga katawhan ngan han ira mga panginahanglan.
