An Office of the Provincial Agricultural and Services (OPAS) nagdudumara hin duha ka adlaw nga Provincial Agriculture and Fishery Planning Workshop yana nga adlaw han Martes tubtub buwas, Nobyembre 25 ngan 26, nga nagtutumuyo maghatag klaro nga direksyon para ha agrikultura ngan pangisda ha Eastern Samar.
Presente hi Governor RV Evardone, nga naghatag hin bug-os nga suporta ha aktibidad. Matigigamnan nga an agrikultura usa ha lima nga key priority areas han iya administrasyon para han padayon nga pag-uswag han probinsya.
Ini nga aktibidad in gin-inisyaran han OPAS, ngan gin suportahan han Regional Office han Department of Agriculture, ngan nag-facilitate han workshop.
Ha sulod han duha ka adlaw, ginlalauman na tututukan han workshop an pag-analisa han estado han agrikultura ngan pangisda, ngan paghibarohan hin mas episyente nga pamaagi para mapadig-on an sektor.
An nasabi nga workshop in nagpapakita han padayon nga paningkamot han gobyerno probinsyal pinaagi han OPAS ha paghatag hin mas epektibo ngan accessible nga serbisyo para ha mga parag-uma ngan para-isda— usa han mga main nga economic drivers han Eastern Samar.
