Gindumara an courtesy visit ha Provincial Governor’s Office dida han Nobyembre 24, 2025.
Naabot na hin sobra 30 nga mga marine sanctuaries an ginmamangnoan ha mga bungto han Lawaan, Giporlos, Balangiga, Quinapondan, Salcedo, Mercedes, ngan Guiuan, ha pakikipagsumpayan han RARE International Philippines, GDFI, ngan A7.
Subay kan GDFI Executive Director Margarita de la Cruz, ginpapakusog an tama nga pag-edukar han mga parapangisda, lokal nga legislation, pagpugong han iligal nga pangisda ngan an commercial fishing han mga dagko nga parapangisda nga may pag-abuso.
Hingyap han RARE International Philippines, GDFI, ngan A7 an mabaskog nga sumpayan para hin pinansyal nga suporta para han mga prayoridad nga programa ngan mapahaluag pa an proteksiyon han kadagatan pinaagi hin memorandum of agreement ngada han probinsya.
Pinaagi han suporta nira GDFI Project Coordinator Maylyn Pagatpatan, A7 Focal Person Joyce Laurente, RARE International Philippines Program Implementation Manager Leonardo Bautista, Guiuan Mayor Annaliza Gonzales-Kwan, ngan Quinapondan Mayor Leo Jasper Candido, ini nga inisyatiba in nagtutumoyo hin alyansa nga masiguro an marig-on ngan protektado nga kadagatan para han mga komunidad. (JDM-GBP)
