Sakob han tema nga Empowering Education through Partnerships: Strengthening Collaboration and Celebrating Shared Success, an award in nagserbi nga pagrekognisar han kontribusyon nga iginhatag han gobyerno probinsyal ngan iba nga mga ahensya ha pagpauswag han edukasyon han syudad han Borongan.
An award in ginhatag han gobernador han Catian Elementary School ngan Eastern Samar Comprehensive High School (ESCHS) pagtagad han iya epektibo nga mga proyekto hin imprastraktura para han duha nga eskwelahan.
Para ha Catian Elementary School, iginturn-over han gobernador an usa nga bag-o nga usa ka-andana nga classroom building han mas nauna nga bahin hini nga tuig, usa nga proyekto nga nagpalapad han mga pasilidad ngan kapasidad han eskwelahan.
Sugad man, hiya an nanguna han pagtukod hin extension han Multipurpose Gym para han ESCHS, nga naghatag han mga estudyante hin gin-upgrade nga pasilidad para ha dirudilain nga mga aktibidades.
Dida han iya mensahe, iya gintagan hin duon nga “it takes a village to raise a child,” pagpahinumdom han importansya han mga magturutdo ngan eskwelahan ha paghulma han mga kabataan nga magin mag-upay nga miyembro han sosyedad.
Iya liwat ginpatapod an padayon nga suporta han gobyerno probinsyal para han mga proyekto o ano pa man nga programa nga igduduso han mga eskwelahan sakob han city division.
Nagpahayag naman hin pasasalamat hi Borongan City Division Superintendent Dr. Gorgonio Diaz kan Gov. Evardone han iya marig-on nga liderato ngan kolaborayon ha sektor han edukasyon ha syudad. (SEJ-JDM)
