Ginbuhat an groundbreaking para han kalsada nga magdudugtong han Brgy. Cacatmonan ngadto ha Brgy. Garawon, ha Hernani han naglabay nga Abril 6, 2025.
Ini nga proyekto may kahilab-an nga 1.8 kilometros ngan may pondo nga Php 13.5 million.
Suma total, ini in naghihingyap nga mabuligan an 705 nga mga indibidwal nga residente han nasabe nga mga barangay.
An groundbreaking ceremony in pinangunahan han mga opisyales han probinsya ha pangunguna ni Board Member RV Evardone representante ni Gov. Ben Evardone, kaupod he Vice Governor Maricar Sison-Goteesan, ngan han mga miyembro han Sangguniang Panlalawigan, kaupod an mga opisyales han bungto ha pangunguna ni Mayor Amado Candido.
Dako an pasalamat han mga residente ha suporta nga iginpakita han lokal ngan gobyerno probinsyal.
Ini nga kalsada in magpapasayon han biyahe, magpapadali han pag-abot han serbisyo, ngan magduduso hin kauswagan han nasabe nga tay-aw nga lugar.
Sumala han pinakaurhi nga datos han Philippine Statistics Authority, an Brgy. Cacatmonan may populasyon nga 103, samtang an Brgy. Garawon may populasyon nga 602.
