Ha kabog-usan, 143 nga Electronic Land Titles (E-Titles) ngan 71 nga Certificate of Condonation with Release of Mortgage (COCROMs) an nakarawat han mga agrarian reform beneficiaries tikang ha magkaiba-iba nga mga bungto han Sinirangan Samar dida han Hunyo 29, 2026 ha Provincial Capitol Gym, Borongan City.
Panuyo hini nga inisyatibo nga makahatag hin mas sigurado nga katungod ha tuna ngan dugang nga higayon para han pag-uswag han panginabuhi para han mga parag-uma.
An mga COCROMs nga nakarawat in may kabug-osan nga kantidad nga ₱805,012 ngan nasasakupan hin 128 hektarya nga tuna, nga nagpapagaan han pinansyal nga obligasyon han mga benepisyaryo ngan nagpapakusog han ira kapasidad ha pagpadayon han produktibo nga agrikultura.
Dugang pa hini, nagkamay-ada liwat hin turnover han farm machinery and equipment ngadto ha Malico Agrarian Reform Farmers Association Inc. ha San Policarpo.
An wheel drive tractor nga may disc plow ngan rotary tiller nga nagkakantidad hin ₱1.5 milyon in ginlalaoman nga makakabulig ha pagmoderno han pag-uma ngan pagdugang han produksiyon para ha padayon nga kauswagan han sektor han agrikultura han probinsya. (JDM-FCL)
