Nakab-ot han Sinirangan Samar an 100 percent nga passing rate han 2025 Child-Friendly Local Governance Audit Provincial Audit Summary matapos an ngatanan nga municipal local government units han Sinirangan Samar in pumasar ha 2025 assessment.
An ebalwasyon nakabase ha lima nga kritikal nga kategorya: survival, development, protection, participation, ngan governance. Ine in subay han presentasyon ni DILG-LGOO II Hansel Joy Aspha-Moscare.
Kasumpay ini han gindumara nga Second Quarter Meeting han Provincial Council for the Protection of Children (PCPC) ngan Local Committee on Anti-Trafficking and Violence Against Women and Their Children (LCAT-VAWC) nga pinagunahan ni Board Member Timmy Campomanes, kumo representante ni Gov. RV Evardone, nga ginbuhat dida han Martes, Hunyo 9, 2026 ha PGO Conference Hall, Borongan City,
Ini in nakapokus ha pagpaparig-on han mga programa ngan polisiya para han kaupayan, seguridad, ngan proteksyon han kabataan ha bug-os nga probinsya han Sinirangan Samar.
Ginhisgutan liwat an presentasyon han PCPC ngan LCAT-VAWC, kaupod an PCPC Assessment Functionality ngan Child-Friendly Local Governance Audit, usa nga importante nga instrumento han Department of the Interior and Local Government ha pag-asess han kahimtang han child governance ha lokal nga gobyerno.
An positibo nga resulta nagpapakita ha padayon nga paningkamot han probinsya ngan han mga lokal nga gobyerno ha pag-abot han ungara nga magin usa nga child-friendly ngan child-responsive province an Eastern Samar. (JDM)
