Pinangunahan ni Gov. RV Evardone an regular nga flag-raising ceremony nga ginbubuhat kada Lunes han semana.
Kaupod han nasabi nga seremonya an mga empleyado han probinsya yana nga una nga adlaw han Hunyo ha Capitol Grounds, syudad han Borongan.
Ha mensahe ni Gov. Evardone, iya gintagan hin duon an pagbalik han regular nga oras han trabaho nga nagtikang yana nga Lunes ngada hit ha Biyernes alas-8 han aga ngada han alas-5 han kulop.
Ginpaabot liwat niya an pakiduyog han selebrasyon para han Pride Month yana nga Hunyo, sugad man an pag-resume han Eastern Samar Basketball and Volleyball League nga temporaryo nga gin-udong dara han pagdeklarar han national energy emergency.
Samtang, an SeRVisyo Caravan in gin-ugsod hin iba nga schedule dara han nakatalaan nga pagbisita ni Papal Nuncio Charles John Brown, apostolic nuncio to the Philippines, nganhi ha probinsya han Sinirangan Samar. (JDM)
