An Bawat Bayan Makikinabang (BBM) rice distribution program ha ilarom han administrasyon ni President Ferdinand Marcos Jr. in nakahatag hin rice assistance ha 869 nga pamilya tikang ha Poblacion 4,5,6,7,8,9,10 ngan Poblacion 11 han bungto han Dolores.
Gindumara an distribusyon ha Dolores Municipal Hall, kun diin an mga benepisyaryo tikang ha walo nga barangay nakakarawat hin 10 kilos nga bugas kada pamilya.
Pinaagi hini nga distribusyon, 5,803 na nga pamilya ha Dolores an kabug-osan nga nakabenepisyo han rice assistance program.
An programa nagtutuyo paghatag hin dugang nga suporta ha pagkaon han mga pamilya pinaagi han koordinasyon han nasyonal, probinsyal, ngan lokal nga panggobyernohan.
Nagpakita liwat hin suporta ha pagpatuman han programa hira Gov. RV Evardone, Mayor Zaldy Carpeso, Vice Mayor Shonny Carpeso, Provincial Administrator Nelson Cortez, Board Member Atty. Byron Suyot, BM Atty. PJ Evardone, ngan Provincial Agriculturist Virgilio Capon, nga presente ha distribusyon. (TAC-JDM)
