Pinangunahan ni Gov. RV Evardone an flag-raising ceremony para han mga empleyado han probinsya komo pagtalima han mandato kumo usa nga empleyado ngan pagseserbisyo publiko.
Ha mensahe ni Gov. Evardone, iya ginpasabot nga magdudumara hin Coordination meeting an ngatanan nga concerned agencies para han Serbisyo Caravan nga nakatalaan nga pagbubuhaton yana nga tiarabot nga Mayo.
Iya liwat gin-aghat ngan ginpahinumdom an mga empleyado nga mag-aktibar han mga aktibidad han probinsya sugad han pag-atender han flag-raising ceremony komo responsabilidad han usa nga empleyado para hin pagseserbisyo publiko.
Nagpakita naman hin pasundayag komo presentasyon pinaagi hin sayaw an buhatan han Provincial Engineering Office para yana nga semana. (JDM-GBP)
