Gindudumara yana nga aga han Martes, Abril 7, 2026 an inagurasyon han Land Transportation Office Dolores District Office ha Brgy. 10, Dolores, Eastern Samar.
An anay extension office han LTO Borongan in pormal nga magin district office pinaagi han Republic Act No. 12163 nga gin-aprobaran han Abril 2025.
Iginpaabot naman ni Vice Mayor Sonny Carpeso an mapaso nga pasasalamat nga naging possible ini nga maiha na hingyap han mga Doloresnon.
Presente han nasabi nga aktibidad hira Minority Leader ngan 4Ps Partylist Representative Cong. Marcelino Libanan, Eastern Samar Lone District Representative Cong. Sheen Gonzales, Gov. RV Evardone, Dolores Mayor Zaldy Carpeso, Mayor Shonny Nino Carpeso Board Members Atty Byron Suyot, Timmy Campomanes, Irvin Pormida, ngan iva pa opisyales han probinsya, CHED R8 Regional Director Maximo Aljibe, LTO 8 Regional Director Atty. Ledwino R. Macariola, Assistant Regional Director Eden Josefina M. Quebec, LTO District Head Gavino Anacio, ngan mga District Heads ngan mga empleyado han LTO Dolores District Office, ngan LTO Regional Office 8. (SEJ-JDM)
