Padayon an suporta han gobyerno probinsyal ha pagpakusog han panginabuhi ha mga komunidad pinaagi han ready to lay nga kamanokan, sugad ha Brgy. Benowangan Cassava Farmers Association and egg layer production, nga opisyal nga nagtikang dida han Abril 20, 2025.
Tikang ha 96 nga ready to lay nga manok, 73 hine an nasasalin nga buhi, kun diin padayon nga nakaka-harvest hin subra duha ka tray nga bonay kada adlaw, nga nakakadugang hin regular nga income para han mga miyembro.
Ha panguna nga pagdumara han ira presidente nga hi Noel Pontila, nagtikang hira hin 63 nga miyembro ngan yana in aada na ha 113 nga miyembro.
Bisan may-ada mga inaatubang nga mga problema sugad han tubong nga napapalit an usa ka sako hin tag ₱1,890 kun diin an usa ka sako in para la hin kanan lima ka adlaw nga kunsumo agud masiguro an husto nga pagkaon ngan konsistent nga magsuporta han lokal nga produksyon hin bonay ha ira barangay.
Tungod han padayon nga suporta han gobyerno probinsyal ha pangunguna ni Gov. RV Evardone ngan han Provincial Veterinary Office, an asosasyon in nakakarawat hin kadugangan nga suporta pinaagi hin mga bitamina nga duha ka sako hin tubong ngan aktibo nga partisipasyon han mga miyembro, an Brgy. Benowangan Cassava Farmers Association nagpapakita hin ehemplo hin marig-on nga komunidad pinaagi hin pag-uswag ha agrikultura ha syudad han Borongan. (JDM-ARV)
