Ha pinaka-urhi nga ginpagawas han Bureau of Local Government Finance (BGLF) an probinsya han Sinirangan Samar in ginkilala kumo first class nga probinsya nga ginpadig-on hin Department of Finance Order Number 074.2024 epektibo dida han Enero 1, 2025 ha ilarum ha Republic Act No. 11964 o mas kilala nga Automatic Income Classification of Local Governments Units Act.
Mahuman ma kab-ot han probinsya an average annual regular income ha sakob hin tulo ka tuig subay han mga ginkikinahanglan nga kantidad han Department of Finance, Bureau of Local Government Finance, nakab-ot han probinsya an pinakahataas nga lebel hin klasipikasyon hin pananalapi an first class, tikang han una nga klasipikasyon nga second class.
An Department of Finance in mayda lima nga klasipikasyon basi han kantidad nga na kab-ot han average annual regular income han kada probinsya subay han mga masunod:
First Class kun Php 1.5 billion o sobra pa
Second Class kun Php 900 million o sobra pa, piro obos hin Php 1.5 billion
Third Class kun Php 700 million o sobra pa, piro obos hin Php 900 million
Fourth Class kun Php 500 million o sobra pa, piro obos hin Php 700 million
Fifth Class kun dire malahos Php 500 million
An kantidad hine nga klasipikasyon in iba para han mga siyudad ngan mga munisipyo.
