Ha padayon nga pag saludar han mga senior citizens na inabot hin 100 years old ngan pagkilala han ira mga kontribusyon ha pag pauswag han komunidad ngan probinsya, ginpasidunggan han gobyerno probinsyal hi lolo Gregorio Montes Guarino, 100 anyos nga residente han Maydolong, nga nakakarawat hin centenarian cash assistance cheque nga nagkakantidad hin ₱50,000 dida han Nobyembre 12, 2025.
Ha pangunguna han Provincial Social Welfare and Development Office (PSWDO), iginhatag an ayuda kan Lolo Gregorio ha munisipyo han Maydolong.
Sumala han PSWDO, an programa para ha mga sentenaryo in usa nga paagi han gobyerno paghatag hin pasidungog ngan pagpasalamat ha mga senior citizens nga nakaabot hin 100 anyos.
Dako an pagpasalamat han pamilya Guarino han nakarawat na bulig pinansyal.
An gobyerno probinsyal han Sinirangan Samar in nagpapadayon han panuyo nga maghatag hin pasidungog ha mga estehanon nga mga modelo hin kusog, ngan inspirasyon ha masunod nga henerasyon. (KDA)
