Pinangunahan ni Gov. RV Evardone an emergency meeting alas-1 han kaagahon, nga nagtapos pasado alas-1:30, ha pakikipagsumpayan ha Emergency Operations Center para hibaroan ngan siguruhon an kahimtang han mga Estehanon, ngan para siguruhon an angay nga preparasyon ha pag-atubang han tipadaraon nga Bagyong Uwan.
Kaupod han meeting hi BM Atty. PJ Evardone ngan mga representante han Philippine Army, Provincial Social Welfare and Development Office, Philippine National Police, Department of Information and Communications Technology, Department of Social Welfare and Development, Provincial Health Office, Philippine Coast Guard, Bureau of Fire Protection, para maghatag hin report han mga pan-hinabo ngan han mga aksyon nga ira gin-dumara.
Hapagkayana, an kada ahensya naka-alerto ngan andam ha oras nga magrescue o maghatag hin bulig ngan naka-preparar na gihapon an mga relief packs para ha mga maaapektuhan han bagyo.
Base han report, may-ada na mga evacuees ha temporaryo nga mga eskwelahan, evacuation centers, sugad man ha Capitol ngan Legislative Building.
Nagpapadayon gihapon an koordinasyon ha kada MDRRMO han mga bungto para ha padayon nga paghatag hin situational reports.
