Nakipaghimangraw kan Gov. RV Evardone an 63rd Infantry Battalion han Philippine Army ha pangunguna ni Lt. Col. Ricky James L. Rosalejos, kaupod hi 2nd Lt. Stephanie G. Pilapil, agud pakusgon an pagtutok ha seguridad ngan kamurayawan ha bug-os nga probinsya.
Ginbuhat an pakipaghimangraw ha Provincial Governor’s Office dida han Enero 28.
Samtang, ginpahayag nga andam permi an Philippine Army pag-atubang han mga concern ngan isyu ha seguridad ha mga komunidad ngan ha bug-os nga probinsya, kay amo ini an ira mandato, kaupod hine an pagpadayon han End Local Communist Arm Conflict (ELCAC) ngan information drive ha mga eskwelahan ha bug-os nga probinsya.
“Thank you nga pala Gov. sa support sa amin. Thankful kami palagi sa support niyo po samin.” an pasasalamat ni Lt. Col. Rosalejos kan Gov. Evardone han iya hul-os nga suporta ha Philippine Army.
Subay pa kan Gov. Evardone nga usa nga pitad han probinsya ha mga interior barangay para dire maaghat han mga kontra-gobyerno nga grupo an pagtindog hin “Kapitolyo sa Barangay” para makita an presensya han gobyerno lakip hine an direkta nga paglanay han mga bulig, kun diin direkta labi na an mga pinaka tay-aw nga kabaranggayan. (JDM-GBP)
