Ha hingyap nga makabulig ha kumonidad, an Philip Morris Fortune Tobacco Corporation (PMFTC) in ginpangunahan an food packs distribution ha Brgy. Suribao, nga inupdan mismo ni Gov. RV Evardone, pati na an mga representante han kumpanya nga hira Sheila Mae Zapanta ngan Kelvin Robino.
Iginpaabot ni Gov. Evardone an iya pagpasalamat ha PMFTC, tungod han pakipag-burubligay ha probinsya, labi na ha mga inisyatiba nga diretso nga nakakabulig ha mga pamilya ha komunidad.
Nagkamay-ada liwat hin mga intermission numbers tikang ha daycare pupils ngan senior citizens han Brgy. Suribao.
May-ada 500 nga mga residente han barangay an nakatagamtam hini nga nasabi nga foodpacks.
An aktibidad nagpakita hin malinaw nga ehemplo han pagkig-usa han gobyerno probinsyal ngan han pribado nga sektor para ha mabuligan an katawhan han Eastern Samar. (RCS-JDM-ARV)
