Mahinungdanon nga pinangunahan ni PDDRM Officer, Engr. Thomas A. Campomanes an 1st Quarter Provincial Disaster Risk Reduction and Management Council (PDRRMC) Meeting nga ginbuhat ha PGO Conference Hall dida han Enero 29, 2026.
Gin endorso an resolusyon han council para han localized suspension kun diin na dependi han mga local chief executive an pag suspension nga naka basi han ira assessment kun gin kikinahanglan an pag suspender ha mga klase ngan trabaho ha butnga han mga tipadaraon nga peligro nga dire mag aalanganin an kamutang han mga estudyante ngan mga trabahante ha bug-os nga probinsya.
Lakip hine nga meeting, gin-endorso an resolusyon nga nagtutugot kan Gov. RV Evardone, komo PDRRMC Chairman, an usa nga tripartite Memorandum of Agreement ha butnga han People in Need (PIN) ngan Gobyerno Probinsyal han Eastern Samar, ngan an LGU Jipapad ngan LGU Oras komo mga recipient para han implementasyon han Strenghthening Resiliency through Early Action and impact Mitigation o STREAM Project, agud pakusgon an resiliency pinaagi han early action ngan disaster mitigation.
Samtang, nagtapos an iristorya hin hul-os nga pagpasalamat ni PDRRM Officer Campomanes ha bug-os nga Council ha nakab-ot han probinsya komo Silver awardee han Kabaskog 2026—Bunga hin pagka-urosa para han kaupayan han bug-os nga probinsya.
Ine in gin tambugan han magkalain-lain nga ahensya han gobyerno upod an mga partisipante via ZOOM, ngan pribado nga sektor nga nagpakita hin marig-on nga pagka-urosa para ha pag-atubang han mga peligro ngan pagpanalipod han komunidad. (JDM-GBP)
