Personal nga iginhatag an lima ka kilo nga bugas, unom nga delata, ngan kape ngadto ha mga pamilya nga duro naapektaran han masulog ngan waray hunong nga uuran nga nagdurot hin pagbabaha.
Gindul-ongan hin relief goods an mga barangay han San Pablo nga mayda 246 ka pamilya, Malinao nga mayda 290 ka pamilya, Binaloan nga mayda 265 ka pamilya, ngan San Rafael nga mayda 224 ka pamilya.
“Tatagan an kada pamilya. Bisan pira kamo—duha man o upat nga mag-urosa ha usa nga balay—tatagan kamo tanan,” sering ni Philippine Councilors League Region 8 President ngan Board Member RV Evardone.
Nanginano liwat han kahimtang han mga residente hira BM Atty. PJ Evardone, BM Atty. Byron Suyot, BM Gigi Zacate, BM Jun Quelitano, anay Maslog Mayor Timmy Campomanes, Mayor Gina Ty, ngan Lala Dongallo. (TAC-GBP)
