Ine in kaparte han nagpapadayon nga relief operations han probinsya agud buligan an mga komunidad nga naigo han naglabay nga Tropical Depression Wilma.
An kada food pack in may-ada basic goods sugad han unom ka kilo nga bugas, 10 nga delata, ngan 10 ka pakete hin kape.
Kaupod ni Gov.RV hini nga higayon hi Board Member Timmy Campomanes sugadman an konseho han mga island barangays.
Ha soma total, 288 nga food packs an igindistribwer ha kada pamilya ha Brgy. Divinubo, samtang 295 naman nga food packs an igin hatag ha kada pamilya han Brgy. Ando.
Sumala han gobernador, ini nga mga probisyon in igin-andam agud matagan hin kadagmitan nga bulig an mga pamilya nga naapektuhan han bagyo, nga kaurugan in nakadepende an panginabuhi ha panagat o pangisda.
Nagpasalamat liwat hiya han opisina ni Sen. Bam Aquino han suporta ngan pag-alutaga hini nga kalungganayan para han probinsya han Sinirangan Samar. (SEJ-GBP)
