Ine nga pasidungog in gintawag nga Gabi ng Parangal kasumpay han ika-60 ka tuig nga katindog han probinsiya ug ginbuhat ha Provincial Capitol Gym, dida han ika-5 han Nobyembre hine nga tuig.
Ha ilarom han tema nga “Kusog han pagka-urusa para han mabaskog ngan mainuswagon nga kabubwason”, may suma-total nga 126 an gintagan hin pasidungog, kun diin 22 hine an may sakto nga lima katuig ha serbisyo, 58 an may sakto 10 katuig ha serbisyo, walo an may 15 katuig ha serbisyo, walo liwat an may sakto 20 katuig ha serbisyo ngan 22 hine an may sakto 25 katuig ha serbisyo. Samtang, walo hine an may sakto 30 katuig ha pagseserbisyo.
Ini nga Gabi ng Parangal amo an syahan nga seremonya nga iginlunsad han probinsya nga nagtutumoyo nga pasidunggan an mga tinuod nga harigi han serbisyo publiko an mga empleyado nga padayon nga nagpapadangat han mga programa ug serbisyo ha mga Estehanon. (JDM)
