An Eastern Samar Provincial Hospital hemodialysis team, kaupod an mga pasyente, in nagkatitirok para iselebrar an ika-tulo ka tuig han padayon nga libre nga hemodialysis treatment para han mga Estehanon, katuman han selebrasyon han World Kidney Day.
Ini in pinangunahan ni Grace Evardone, an asawa ni Gov. Ben P. Evardone nga nagpa-abot han pagkomiter ni Board Member RV Evardone nga magpapadayon an relayable ngan libre nga bulig medikal.
Kaupod hini nga selebrasyon an pagpapahalawig hiton kina-adman mahiunong hiton mga sakit nga may kalabutan ha kidney ngan kon papaano maiiwasan ini.
Ini nga milestone nagmarka han tulo ka tuig nga libre nga hemodialysis ha mga pasyente ha Eastern Samar, nga nagpapadayon hin paghatag hin masayon nga access ha pag-ataman han kidney, tikang han iginlunsad ini nga flagship program ni Gov. Evardone han 2022. (KDA-CAC)
