Ginpamunuan han Commission on Audit (COA) Eastern Samar an CY 2025 Audit Exit Conference yana nga Lunes, Abril 6, 2026, ha PGO Old Conference Room agud igpresentar an ira mga audit findings ha liderato han probinsya.
Kaupod hira Gov. RV Evardone, Vice Gov. Maricar Sison-Goteesan, ngan an mga labaw nga opisyal tikang ha accounting, budget, treasury, engineering, ngan disaster management departments, kun diin nakasentro an paghuruhimangraw ha husto nga paggamit han pondo han publiko, budget appropriations, ngan epektibo nga utilization hini.
Naghatag gihapon an COA hin detalyado nga roadmap ngan mga rekomendasyon para ha probinsya agud mas mapadaku an fiscal accountability ngan masiguro nga an ngatanan nga gastos han gobyerno in nagpapadayon nga transparent ngan subay ha mga regulasyon. (SEJ-GBP)
