Nagpadayon an aksyon han gobyerno probinsyal ha pagdul-ong hin ayuda ha mga kabarangayan nga grabe naapektaran han waray wantas nga uuran han naglabay nga mga adlaw.
Ha Brgy. Lumatod ngan Sitio Burak, 265 ka pamilya an gintagan hin relief goods, samtang 306 ka pamilya naman ha Brgy. Mabuhay, bungto han Taft.
An mga relief goods in naglalakip hin lima ka kilo nga bugas, unom nga delata, ngan unom ka sachet hin kape.
Ha kadugangan, an Department of Social Welfare and Development (DSWD), ha paghangyo han LGU Taft, in nagpa-angbit liwat hin relief supplies nga bugas, delata ngan gatas o kape para ha mga apektado nga residente.
“An amon la makapaghatod hin serbisyo ha iyo, kay para ha amon, kinahanglan talaga nga makadirekta an gobyerno ngadto ha mga katawhan,” sering ni Board Member RV han ginbuhat nga distribyusyon hin relief goods.
Padayon an koordinasyon han mga ahensya han gobyerno basi masiguro nga mahatagan hin dugang nga suporta an mga komunidad nga naapektaran han grabe nga uuran. (TAC-GBP)
