Opisyal nga nanumpa hi Ralph Vincent โRVโ Evardone kumo gobernador han Sinirangan Samar dida han Hunyo 30, 2025, ha New Capitol Building, Capitol Grounds.ย
ย
Hiya in gin kilala kumo pinakabata nga nagin gobernador han probinsya ngan han bug-os nga nasud.
Ha iya mensahe, iginpahayag ni Gov. Evardone an direksyon han iya administrasyon, nga nakasentro ha pagpapahirani han serbisyo publiko, digital connectivity labi na ha mga lugar nga waray signal, suporta ha agrikultura ngan pangisda, pagpakusog han sistema panlawas, edukasyon, libre nga dormitoryo para ha estudyante, ngan pagpaupay han turismo ha lalawigan.
ย
Gintagan gihapon niya hin dako nga pagtagad an kapulsanan han mga empleyado han gobyerno probinsyal, labi na an mga job order ngan contractual workers, nga iya ginkilala nga kabakyang han pagserbisyo ha katawhan.ย
Sumala ha iya, maghihimo hiya hin mga pitad basi masuklian an ira padayon nga sakripisyo ngan masiguro an ira karuyag nga benepisyo.
ย
Iya iginsaad nga an iya liderato magpapabilin nga inklusibo, transparente, ngan tutok ha tinuod nga panginahanglan han Estehanon, samtang padayon nga susuportahan an kabataan pinaagi han mga programa ha edukasyon ngan scholarship.
ย
Gintigamnan han seremonya an pormal nga turnover han mace of authority ngan mga opisyal nga dokumento tikang kan anay gobernador Ben P. Evardone ngadto kan Gov. RV Evardone, simboliko nga pagbalhin han responsibilidad han pan-gobyerno han probinsya.ย
ย
Nagpasalamat naman hi Gov. RV ha suporta han iya pamilya, mga lider lokal, ngan katawhan, ngan nanawagan hin pagkaurusa para ha malungtaron nga pag-uswag nga waray mabibilin.
ย
#AtonProbinsyaTawoItonUna
